Латвия Ташқи ишлар вазирлиги раҳбари Украинага келди

Латвия ташқи ишлар вазири этиб тайинланган Байба Браже Украинага ташриф билан келди.

Бу ҳақда Латвия ТИВ матбуот хизмати Х ижтимоий тармоғида хабар берди.

«Ташқи ишлар вазири Байба Браже ва Украина ташқи ишлар вазири Дмитрий Кулеба Қаҳрамонлар деворида Россиянинг агрессив урушида ҳалок бўлганлар хотирасини ҳурмат қилишди. Украинага ташриф вазирнинг биринчи икки томонлама ташқи ташрифи бўлиб, Латвия ташқи сиёсатида Украинани қўллаб-қувватлашнинг устувор ролини тасдиқлайди», — дейилади жума куни Х ижтимоий тармоғида эълон қилинган хабарда.