ҲАМАС тинчлик таклиф қилади, Исроил эса...

ҲАМАС Мисрнинг Исроил учун қабул қилиб бўлмайдиган “юмшатилган” таклифини маъқуллади. Бу ҳақда Reuters агентлигига Исроилнинг юқори мартабали амалдори маълум қилди.

Агентлик суҳбатдошининг қўшимча қилишича, бу таклифда можаронинг “узоққа чўзилган” натижалари бор, Тел-Авив буни қўллаб-қувватламайди.

“Биз ҲАМАСдан батафсил жавоб кутамиз ва уни ўрганамиз. Биз ҲАМАС нимага рози бўлган ва нимага рози бўлмаганини тушунишга ҳаракат қиламиз”, — дея қўшимча қилди расмий.

У, шунингдек, "бу таклиф на Исроилга, на АҚШга маълум эмаслигини ва Нетаньяхунинг Байден билан суҳбатида тилга олинмаганини" таъкидлади ва "бу ҲАМАСнинг алдови", деб қўшимча қилди.