ФВВда ўрмон ёнғинларини олдини олиш масаласи юзасидан муҳокама йиғилиши ўтказилди

Тошкент вилояти Фавқулодда вазиятлар бошқармасида вилоят ҳудудида фаолият олиб бораётган Давлат ўрмон хўжаликлари раҳбарлари ҳамда масъул ходимлар иштирокида муҳокама йиғилиши ташкил этилди.

Унда, ўрмонлар ва уларнинг ҳудудларида юзага келиши мумкин бўлган ёнғинларнинг олдини олиш ва содир бўлганда тез ҳамда самарали бартараф этиш юзасидан муҳим масалалар кўриб чиқилди.

Мутасаддилар томонидан ўрмон хўжаликларининг моддий техник базасини янада мустаҳкамлаш, махсус техникалар, мотопомпалар ҳамда сув насослари ҳарид қилиниши масаласи кўриб чиқилиб, зарур вазифалар белгилаб олинди.