Аргентинада кучли қор ёғди
Аргентинада кучли қор ёғиши транспорт тизимида кўплаб муаммоларни келтириб чиқирди, шунингдек, айрим ишлаб чиқариш корхоналарининг тўхтаб қолишига олиб келди.
Аргентина метеорология хизматлари йилнинг бу фасли учун об-ҳаво ғайриоддий эканини таъкидлаб, аҳолига эҳтиёт бўлишни, кераксиз саёҳатлардан сақланишни ва маҳаллий ҳокимият кўрсатмаларига амал қилишни тавсия қилмоқда.
“Континентал Патагония совуқдан, шамолдан ва алоқанинг йўқлигидан азият чекмоқда”, дейилади хабарда.
Коммунал хизматлар йўлларни тозалаш ва зарар кўрган ҳудудларга электр энергиясини тиклаш бўйича қўшимча иш олиб бормоқда.
Маҳаллий аҳоли ижтимоий тармоқларда қор билан қопланган ландшафтларнинг фотосуратлари ва видеоларини фаол равишда баҳам кўришмоқда, бу эса фойдаланувчилар орасида катта қизиқиш ва муҳокамани келтириб чиқаряпти. Бироқ қор ёғиши кўплаб ноқулайликларни юзага келтирди.
