Андижонга сифати кафолатланмаган дори олиб кираётган ҳайдовчи ушланди

Маълум бўлишича, Андижон вилояти Божхона бошқармаси контрабандага қарши курашиш ва божхона аудити бўлими ходимлари Миллий гвардия вакиллари билан ҳамкорликда тезкор тадбир ўтказган. Унда фуқаро М.А. бошқарувидаги «Nexia-3» машинаси белгиланган тартибда кўздан кечирилган.

Таъкидланишича, автомобиль юкхонасида сифати кафолатланмаган ва божхона расмийлаштирувидан ўтказилганлигини тасдиқловчи ҳужжати бўлмаган 70 миллион сўмлик 930 қути дори воситалари борлиги аниқланган. Мазкур ҳолат юзасидан божхона органлари томонидан суриштирув ҳаракатлари олиб борилмоқда.