Афғонистон маошлар бўйича Тожикистонни ортда қолдирди
Тожикистон CEOWorld Magazine онлайн-журналига кўра, ўртача иш ҳақи бўйича жаҳон рейтингида 196 давлат орасида 143-ўринни эгаллади. У сўнгги ўн йилликларда уруш ва инқирозлар туфайли парчаланиб кетган Афғонистондан анча пастда жойлашган.
Журнал муаллифларига кўра, Тожикистонда ўртача ойлик маош 169 долларни ташкил қилган.
Ўз навбатида, Афғонистон, CEOWorld Magazine журнали маълумотларига кўра, энг яхши натижа - 205 долларлик маош билан фахрланади. Афғонистон, шунингдек, қўшни Покистонни (163 доллар), деярли барча Африка мамлакатларини ва бир вақтлар Жанубий Американинг деярли энг бой давлати бўлган Венесуэлани (199 доллар) ортда қолдирди.
🇹🇯 Марказий Осиёнинг бешта давлати орасида (Афғонистондан ташқари) Тожикистон охирги ўринни эгаллади. Рейтинг бўйича минтақада етакчи ўринларни Қозоғистон ва Туркманистон эгаллаган - мос равишда 673 ва 654 доллар. Ундан кейинги ўринларда ўртача иш ҳақи 351 доллар билан Ўзбекистон ва 228 доллар билан Қирғизистон бормоқда.
