Озарбайжон президенти муддатидан олдин сайловлар ўтказилишини эълон қилди
![Озарбайжон президенти муддатидан олдин сайловлар ўтказилишини эълон қилди Озарбайжон президенти муддатидан олдин сайловлар ўтказилишини эълон қилди](/photos/news/JDTIWtMEHB0r04W.jpeg)
Озарбайжон президенти Илҳом Алиев парламентни тарқатиб юборди ва муддатидан олдин сайловлар ўтказилишини эълон қилди, дея хабар беради TASS.
Озарбайжон президенти Илҳом Алиев Миллий Мажлисни (мамлакат парламенти) тарқатиб юборди ва 1 сентябрга муддатидан олдин парламент сайловларини белгилади. Давлат раҳбарининг тегишли фармойиши ўз сайтида эълон қилинди.
— Озарбайжон Республикаси Конституциясининг 98-моддаси 1-қисми ва 109-моддаси 1-бандини ҳисобга олиб, қарор қиламан: олтинчи чақириқ Озарбайжон Республикаси Миллий Мажлиси тарқатиб юборилсин. Озарбайжон Республикаси Миллий Мажлисига муддатидан олдин сайловлар 2024 йил 1 сентябрга белгилансин, - дейилади ҳужжатда.
Матнда хатолик топсангиз, ўша хатони белгилаб, бизга жўнатинг (Ctrl + Enter).