Ўзбек мигрантларини АҚШга олиб кирган трансчегаравий гуруҳ ИШИД билан алоқадорликда гумонланмоқда.

Бу ҳақда АҚШ Ички хавфсизлик департаменти баёнотига асосланиб, CNN нашри хабар берди.

Гуруҳ мамлакатга террорчиларни эмас, балки мигрантларни олиб кириш билан шуғулланганини билдирган. У Марказий Осиё мамлакатларидан келган 400 нафардан ортиқ фуқарони АҚШга ноқонуний йўллар билан олиб ўтган. Бироқ ушбу гуруҳга алоқадор бошқа бир жиноий уюшма ўтган йили ёзда ИШИД билан алоқалари ортидан “қора рўйхат”га тушган. Бу эса алоқадорларнинг ҳам гумондорлар рўйхатига қўшилишига олиб келган.

АҚШга олиб келинган 400 ортиқ фуқароларнинг кўпчилиги Ўзбекистондан бўлган.