Орбан Европа инқирозини ким енгиши мумкин эканлигини айтди

Европани ўзи тушиб қолган инқироздан фақат ўнг қанот сиёсатчилар олиб чиқишлари мумкин.

Бу фикрни Венгрия бош вазири Виктор Орбан “Magyar Nemzet” газетасида чоп этилган мақоласида билдирган.

Матнда Орбан очиқчасига христиан цивилизацияси йўқолиб бораётганини таъкидлаган. Европа Иттифоқининг иқтисодий салмоғи ва Европа давлатларининг суверенитети сўнгги 30 йил ичида сезиларли даражада камайди. Шунингдек, қитъада доимий террор таҳдиди мавжуд.

Орбан мавжуд вазият учун жавобгарликни миллий манфаатларни ҳимоя қилишни унутган "Брюссел бюрократлари" зиммасига юклади. Ўнг қанот партиялар вазиятни тўғирлаши мумкин, деб таъкидлади Орбан.