O‘zbekiston va Koreya o‘rtasida qiymati 12 mlrd dollardan ziyod bitimlar imzolandi

O‘zbekiston va Koreya o‘rtasida savdo-iqtisodiy, investisiyaviy va moliyaviy-texnik sohalarda umumiy qiymati 12 milliard dollardan ziyod qo‘shma loyiha va dasturlarni amalga oshirish bo‘yicha bitimlar imzolandi.

Bular Hukumat va vazirliklar o‘rtasida investisiyalarni rag‘batlantirish va o‘zaro himoya qilish, tinch maqsadda fazoni tadqiq etish, fan, texnologiya va innovasiyalar sohasida hamkorlik, sog‘liqni saqlash sohasida hamkorlik bo‘yicha O‘zbekiston Koreya markazini tashkil etishga oid va boshqa hujjatlar.

Bundan tashqari Shavkat Mirziyoyev va Mun Chje In O‘zbekiston bilan Koreya o‘rtasida alohida strategik sheriklik to‘g‘risidagi qo‘shma deklarasiyani imzoladi.