Sudgacha Guljahon Yo‘ldoshevani aybdorga chiqargan prokuror Bosh prokuraturaga ishga o‘tdi

Chirchiq shahar prokurori Baxtiyor Ibrohimov Bosh prokuraturaning boshqarma boshlig‘i lavozimiga tayinlandi. Buni «Gazeta.uz»ga Bosh prokuratura matbuot kotibi Hayot Shamsutdinov tasdiqladi.

U Toshkent viloyati bosh infeksionisti Guljahon Yo‘ldoshevaning tergovi yakunlanmasdan, OAVlarda aybdor degan fikrni ilgari surgani bilan ko‘pchillikka tanish. 

Mazkur holatga advokat Usmonxon Salohiddinov: «Jinoyat ishi dastlabki bosqichda ekanini tan olgan prokuror ayblov sudda nafaqat tasdiqlanishi, balki dalillar rad etilishi ham mumkinligini bilmaydimi yoki bila turib, qonunga zid tarzda bo‘lsa-da jamoat fikrini shakllantirishni, shu orqali sudga ta’sir o‘tkazishni maqsad qilganmi?», — deya munosabat bildirgandi.

Yo‘ldoshevaning advokati Xushnud Ahrorov, «Dastlabki tergov organi jinoyat ishi boshidan to yakuniga qadar himoyam ostidagi Guljahon Yo‘lldoshevani nima bo‘lsada, ayblashga qaratilganiga guvoh bo‘lmoqdamiz», — deya aytgandi.