Ruminiyada koronavirusga chalinish bo‘yicha kunlik antirekord qayd etildi

Ruminiyada o‘tgan kun davomida epidemiya boshlanganidan beri eng ko‘p yangi koronavirus holatlari aniqlandi – 555 ta.

Bu haqda  “Digi 24” xabar bermoqda.

Qayd etilishicha, so‘nggi 24 soat ichida 13.147 ta sinov o‘tkazilgan va 555 ta holatda musbat natija tasdiqlangan.

Mamlakatda so‘nggi antirekord 11 aprelda kuzatilgan va o‘shanda 523 yangi yuqtirish holati qayd etilgan edi.

Umuman olganda, Ruminiyada pandemiyadan beri 30.175 kishida koronavirus tasdiqlangan. Ulardan 22.284 tasi sog‘ayib, 1817 kishi vafot etgan. Jami 796.484 ta test o‘tkazilgan.