Qozog‘istonda 15 kishi alkogoldan zaharlanib vafot etdi

Qozog‘iston Ichki ishlar vazirligi fuqarolarning qalbaki alkogol mahsulotlaridan zaharlanishi holatlarini tekshirmoqda.

Ma’lumotlarga ko‘ra, besh litrli plastik idishlarda bo‘lgan sun’iy ichimliklarni sotib olish va iste’mol qilishdan so‘ng, 3 va 4 iyul kunlari mamlakatning ikki mintaqasida 15 kishi halok bo‘lgan.

Qalbaki mahsulot tayyorlash va sotishda gumon qilingan uch kishi ushlangan.

Huquqni muhofaza qilish organlari fuqarolarni shubhali ishlab chiqarilgan spirtli ichimliklarni xarid qilmaslikka chaqirmoqda.