Qozog‘iston fuqarosi koronavirus yuqtirgani aytilgan Qoraqalpog‘istondagi uch xonadon karantinda

Qoraqalpog‘istonning To‘rtko‘l tumanidagi to‘yda qatnashib ketgan Qozog‘iston fuqarosida kornonavirus aniqlangani haqida xabarlar tarqalgan edi.

Qoraqalpog‘iston Sog‘liqni saqlash vazirligidan ma’lum qilishicha, To‘rtko‘l va Ellikqal’a tumanlaridagi qozog‘istonlik mehmonlar bo‘lgan uch xonadonda istiqomat qiluvchilar va boshqa muloqotda bo‘lganlar aniqlab, uy sharoitida karantinga olingan.

Vazirlik vakillarining qo‘shimcha qilishicha, To‘rtko‘l tumanida karantinga olingan uchta oilaning a’zolari koronavirusga test topshirgan va ulardan hech birida infeksiya aniqlanmagan.