Qirg‘izistonda qiz o‘g‘irlanishiga va ayollarni majburan turmushga chiqishiga qarshi namoyishlar boshlandi
Qirg‘izistonda mahalliy ayollardan biri, Ayzada Kanatbekova o‘g‘irlab ketilib o‘ldirilgandan so‘ng, qizni o‘g‘irlash va ayollarni majburan turmushga chiqishiga qarshi ommaviy norozilik namoyishlari boshlangan.
"EurAsia Daily"ning yozishicha, ommaviy namoyishlar Bishkekda boshlangan. Namoyishchilar xavfsizlik kuchlari jinoyatchilikka qarshi tura olmasliklarini va fuqarolarni himoya qila olmasliklarini bildirib, Ichki ishlar vaziri va poytaxt IIB rahbariyatining iste’fosini talab qilishmoqda.
Ayzada Kanatbekova 5 aprel, dushanba kuni ertalab o‘g‘irlab ketilgan. Hodisa videokuzatuv kamerasiga tushgan, polisiya mashinalarning davlat raqamlarini, shuningdek, uch gumonlanuvchining ismlari va telefon raqamlarini bilgan. Huquqni muhofaza qilish idoralari xodimlari hatto ulardan biriga qo‘ng‘iroq qilgan. Unga javoban telefonga javob bergan shaxs Kanatbekova bilan turmush qurmoqchi ekanligini aytgan va suhbatni uzib qo‘ygan. Ikki kundan so‘ng qiz o‘lik holda topilgan.
Ma’lum bo‘lishicha, qizni o‘g‘irlashda taxmin qilinganlardan birini jasadi Ayzada Kanatbekova jasadining yonidan topilgan. Yana bir gumonlanuvchi hibsga olingan. Uchinchisining qayerda ekani noma’lum.
Mahalliy parlament deputati Marlen Mamataliyev ta’kidlaganidek, mamlakatda kelin o‘g‘irlash odat tusiga kiradi va shuning uchun ular ko‘pincha bunday holatlarga ko‘z yumiladi. Nikoh maqsadida o‘g‘irlash tushunchasi bo‘lmasligi kerak. Buni o‘g‘irlik sifatida baholash kerak va jazoni kuchaytirish kerak.
O‘z navbatida, Bosh vazir Ulug‘bek Maripov Qirg‘iz jamiyatida qiz o‘g‘irlashni ayollarning huquqlarining buzilishi ekanini qayd etgan.
