OAV: Rossiya o‘z iqtisodiyotida dollar rolini kamaytirdi

Rossiyaning dollarga qaramlikni qisqartirishga qaratilgan urinishlari ba’zi bir natijalarga olib keldi. Bu haqda The Wall Street Journal xabar bermoqda.

Nashr ma’lumotlariga ko‘ra, dollarsizlashtirish Rossiyaga AQShning RF moliyaviy tizimiga qarshi ehtimoliy sanksiyalari oqibatida keladigan «zarbani yumshatishga» yordam beradi.

Ta’kidlanishicha, Rossiya va Xitoyning milliy valyutadan foydalangan holda savdo qilishi Rossiya iqtisodiyotining dollarga qaramligi darajasi pasayganidan dalolat beradi.

Shu bilan birga, mutaxassislarning ta’kidlashicha, Rossiya muvaffaqiyatli tarzda «Amerika valyutasi gegemoniyasiga javob qaytarmoqda».

Manba: kun.uz