Nomardning ishini qildi: Italiya kimdan xafa?

Italiya yordamga muhtoj bo‘lgan kunlarda unga Venesuyeladan tortib Albaniyagacha bo‘lgan turli mamlakatlar yordam berishdi. Ammo bu ishni qilishi kerak bo‘lgan Yevropa Ittifoqi jim turdi, deb yozdi 30 mart, dushanba kuni "Liga" rahbari Matteo Salvini.

"Biz buni unutmaymiz", deya qo‘shimcha qildi Salvini.

22 mart kuni Italiya Bosh vaziri Juzeppe Konte dorixonalar va oziq-ovqat do‘konlaridan, shuningdek, barcha strategik savdo-sotiq muassasalaridan tashqari, mamlakatdagi barcha korxonalarning faoliyati to‘xtatilishini e’lon qildi.