Nahotki! Rossiyaning sirli “super tanki” bor ekan

Amerikaning “National Interest” jurnali yadroviy urushda jangovar operasiyalar uchun ishlab chiqilgan «Ob’ekt 279» tanki haqida ma’lumot berdi.

Unga ko‘ra, SSSRga tegishli deya qayd etilayotgan jangovar transport vositasi 1950 yillarning oxirida ishlab chiqilgan va bir nechta tarkibiy xususiyatlarga ega bo‘lgan.

Ta’kidlanishicha, ushbu tankning dizayni yadro urushi qo‘rquvini aks ettirgan. Ushbu qurolning bir nechta prototiplari yaratilganiga qaramasdan,  hech qachon amaliyotga tadbiq etilmagan.

Tasvirlanishicha, tankning tepa qismida 130 mmli miltiq va 14,5 mmli pulemyot bo‘lgan. Lekin qayd etilishicha, tankdagi eng muhim narsa bu uning zirhi bo‘lib, juda qalin qilib ishlangan, deyiladi xabarda.