Moskvada bloger fojiali tarzda halok bo‘ldi

Moskvadagi Kutuzovskiy prospektida sodir bo‘lgan baxtsiz hodisada ikki kishi halok bo‘ldi. Yana ikki nafari og‘ir yaralangan. YTHda halok bo‘lganlar orasida bloger Said Gubdenskiy ham bor. Uning BMW avtomobili qarama-qarshi yo‘nalishga chiqib ketdi va bir nechta avtomobillar, jumladan Forbes jurnali talqiniga ko‘ra Rossiyaning eng boy 200 nafar tadbirkori biznesmen Ratmir Timashevning Mersedes mashinasi bilan to‘qnashib ketdi. Timashev mashinada bo‘lgan-bo‘lmagani noma’lum.

Saidning o‘zi esa shifokorlar yetib kelguncha voqea joyida vafot etgan. So‘nggi ma’lumotlarga ko‘ra, BMW yo‘lovchisi kasalxonada jon bergan.