Korxona 7,1 milliard so‘mlik tabiiy gazdan noqonuniy foydalangan – «O‘zenergoinspeksiya»

«O‘zenergoinspeksiya» Farg‘ona viloyati hududiy boshqarmasi va huquqni muhofaza qiluvchi organlar hamda gaz ta’minoti korxonasi hamkorligida nazorat tadbiri o‘tkazildi.

Unda aniqlanishicha, Marg‘ilon shahrida faoliyat yuritayotgan "SH.I.D." MCHJning qurilmalari gaz hisoblagichdan tashqari, to‘g‘ridan to‘g‘ri tabiiy gaz tarmog‘iga noqonuniy ulangan.

Dastlabki hisob-kitoblarga ko‘ra, ushbu holat tufayli davlat manfaatlariga 7 milliard 143 million so‘m zarar yetkazilgan.

Mazkur holat yuzasidan tegishli hujjatlar rasmiylashtirilib, huquqni muhofaza qiluvchi organlarga yuborildi.

Bu haqda «O‘zenergoinspeksiya» axborot xizmati ma’lum qildi.