Isroil Livanga bombalar yog‘dirdi. Sionistlar G‘azodagi qirg‘inni Livan hududiga olib kirmoqda
Livan Sog‘liqni saqlash vazirligi ma’lumotlariga ko‘ra, Isroil armiyasi Livanning turli hududlariga shiddatli hujumlarni davom ettirdi, ikki kunlik hujumda 569 kishi halok bo‘ldi va 1835 kishi yaralandi.
Bunga javoban Hizbulloh Isroil havo bazalariga raketa zarbasi berdi va BMT Bosh Assambleyasida dunyo yetakchilari vaziyatni yumshatishga chaqirar ekan, harbiy-dengiz inshootiga uchuvchisiz samolyotlar bilan hujum qildi.
Birlashgan Millatlar Tashkiloti Kengashida so‘zlagan AQSh prezidenti Jo Bayden, Isroil Bayrutga zarba berishda davom etar ekan, diplomatik yechimga chaqirdi va «keng ko‘lamli urush» haqida ogohlantirdi.
Livan tashqi ishlar vaziri Baydenning murojaati «kuchli emas, istiqbolli emas» dedi va AQSh «Yaqin Sharqda haqiqatan ham o‘zgarishlar qila oladigan» yagona davlat ekanligini aytdi.
Isroilning BMTdagi vakili Denni Danon uning mamlakati mojaroning keskinlashuvini yumshatish g‘oyalari haqida «ochiq fikrda» ekanini aytdi va Isroil «diplomatik yechim»ni afzal ko‘rishini da’vo qildi.
G‘azoda Sog‘liqni saqlash vazirligi so‘nggi 24 soatlik hisobot davrida Isroilning qamal ostidagi anklavga uyushtirgan turli hujumlarida kamida 50 falastinlik halok bo‘lganini va o‘nlab odamlarning yaralanganini ma’lum qildi.
