AQSh Isroilni jiddiy ogohlantirdi, ammo Isroil "yo‘q" deyapti
Amerika Qo‘shma Shtatlari Isroilni Livandagi «Hizbulloh»ga hujumlar mojaroni hal qilish bo‘yicha diplomatik sa’y-harakatlarni izdan chiqarishi va mintaqani urushga olib kelishi mumkinligidan ogohlantirdi. Bu haqda Politico nashri yozmoqda.
Dushanba kuni ertalabdan boshlab Isroil aviasiyasi Livan janubi va sharqidagi aholi punktlariga katta zarbalar berishni boshladi. O‘nlab qishloqlar va bir qator mintaqaviy aholi punktlari hujumga uchradi. "Hizbulloh" jangarilari, o‘z navbatida, Isroil shimoliga o‘nlab raketalarni uchirdi. Livan hukumati allaqachon BMTni aralashishga va Isroil agressiyasini to‘xtatishga chaqirgan. Livan Sog‘liqni saqlash vazirligining favqulodda yordam markazi ma’lumotlariga ko‘ra, Isroilning Livan janubi va sharqini bombardimon qilishlari natijasida 558 kishi halok bo‘lgan, 1645 kishi jarohatlangan.
“Isroilning «Hizbulloh»ga qarshi havo hujumlari oldidan bir necha kun avval AQSh rasmiylari Isroil hukumatini bunday strategiya mintaqani urushga olib kelishi mumkinligidan ogohlantirgan”, — deb yozadi gazeta.
Nashr suhbatdoshlariga ko‘ra, AQSh rasmiylari Isroilga muammoni diplomatik yo‘l bilan hal qilish hali ham mumkin, harbiy kampaniya esa bu sa’y-harakatlarni izdan chiqarishi mumkinligini aytgan. Isroil rasmiylari tinchlikka erishish uchun boshqacha yo‘l tutdilar. Ular AQSh rasmiylariga «eskalasiyani pasaytirish uchun kuchayish» vaqti kelganini aytishdi, ya’ni "Hizbulloh"ga zarba berish, harakatni mojaroni tugatish bo‘yicha muzokaralarda ishtirok etishga majbur qilish edi.
