Livan va Isroil o‘rtasidagi vaziyat "yonib" bormoqda
▪️Livan Hizbulloh harakati Isroil fuqarolarini yahudiy davlatining xavfli hududlaridan «Qiryat Shmondan Hayfaga» evakuasiya qilish zarurligi haqida ogohlantirdi. «Siz [xaritada] yashil rang bilan belgilangan vaqtinchalik xavfsiz zonalarga (Tel-Aviv yoki Eylat) evakuasiya qilishingiz kerak», deyiladi Livan harakati o‘z murojaatida.
▪️So‘nggi 24 soat ichida Livandagi havo hujumlari Isroil harbiy-havo kuchlari tarixidagi eng yirik hujumga aylandi, deya xabar beradi Isroil armiyasining yuqori martabali zobiti. Isroilga ko‘ra, Livan janubida Hizbullohning 1600 dan ortiq nishonlari, asosan qurol-yarog‘lar saqlangan turar-joy binolari zarbaga uchragan.
▪️Bugun Hizbulloh Isroil shimoliga 100 dan ortiq raketa uchirdi, Kiryat Shmona shahridagi bir nechta binolarga zarba berdi va u yerda yong‘inlarga sabab bo‘ldi.
▪️Isroil mudofaa vaziri Yoav Galant bugun Isroil Hizbullohga qarshi yana ham ko‘proq «zarbalar» tayyorlanayotganini aytdi: «Bizda yana bir nechta zarbalar tayyor, nima qilishni bilamiz». Bu e’lon Livan hududlarini bosib olishga taqlid qilib, Livanga potensial quruqlikdan hujum qilish bo‘yicha so‘nggi mashqlar paytida e’lon qilindi.
▪️Bugun kechqurun Livanning uchta uchuvchisiz samolyoti Hayfa janubidagi Isroilning Karmel shahrida sirenalarni ishga tushirdi, deya xabar beradi Isroil armiyasi matbuot xizmati. Hizbulloh Hayfa janubidagi Isroil harbiy-dengiz bazasiga uchuvchisiz samolyotlarni urganini da’vo qilmoqda.
