Endi Rossiyada mehnat migrantlari patentsiz ishlashi mumkin

Rossiya Federasiyasi Ichki ishlar vazirligi tomonidan mehnat migrantlariga mamlakatda patentsiz ishlash huquqini berishni ko‘zda tutuvchi qonun loyihasi ishlab chiqilgan bo‘lib, u hozirgi vaqtda korrupsiyaga qarshi mustaqil ekspertizadan o‘tkazilmoqda.

Agar mazkur hujjat qabul qilinsa, chet el fuqarolaridan Rossiyadagi yirik xalqaro korxonalarda ishlash uchun ruxsatnoma yoki patent olish shart bo‘lmaydi. Yirik xalqaro korxonalar ro‘yxati Hukumat bilan kelishilgan holda shakllantiriladi.

Shu bilan birga, ushbu toifaga kiradigan fuqarolarga mamlakatga kirish uchun taklifnomalar kvotalardan tashqarida rasmiylashtiriladi.