Bokschilar Bahodir va Kamshibek jangi Bokuda bo‘lmaydi

Ozarbayjonning Boku shahrida boks bo‘yicha «Buyuk ipak yo‘li» xalqaro turnirida ringga ko‘tarilgan 10 nafar bokschimizdan 9 nafari bahslarda g‘alaba qozondi. Faqatgina 63,5 kg. vazn toifasida Asadbek Rajabov mag‘lubiyat alamini totdi.

Jahon va Olimpiada chempioni Bahodir Jalolov +92 vaznda eronlik Ruzbeh Safariga qarshi jang qilib 5:0 hisobida g‘alaba qozondi va 1/2 finalga yo‘l oldi.

Darvoqe, yarim final doirasida boks muxlislari va mutaxassislari Bahodir Jalolov hamda Kamshibek Kunkabayev o‘rtasida jang bo‘lishini kutayotgan edi. Biroq, Kamshibek 1/4 final jangida rossiyalik Ramazan Karnukayevga kutilmaganda imkoniyatni boy berib qo‘ydi va musobaqani tark etdi. Shu tariqa Bahodir hamda Kamshibek jangi boshqa musobaqalarga qoldi.