Ўзбекистон Қуролли Кучлари Бош штаби бошлиғи ўзгарди

Юртимизда
A A A
Ўзбекистон Қуролли Кучлари Бош штаби бошлиғи ўзгарди

Фавқулодда вазиятлар вазири ўринбосари Шуҳрат Ғайратжонович Холмуҳаммедов Ўзбекистон мудофаа вазирининг биринчи ўринбосари — Қуролли Кучлар Бош штаби бошлиғи лавозимига тайинланди.

Ўзбекистон Қуролли Кучлари Бош штаби бошлиғи ўзгарди

Шуҳрат Холмуҳаммедов / Мудофаа вазирлиги

Вазирлик матбуот хизматининг хабар беришича, Ўзбекистон президентининг тегишли фармони билан шу вақтгача полковник бўлган Шуҳрат Холмуҳаммедовга генерал-майор ҳарбий унвони берилди.

Шуҳрат Холмуҳаммедов 2016 йилда «Содиқ хизматлари учун» медали билан тақдирланган.

У муқаддам Ўзбекистон мудофаа вазирининг қурол-аслаҳа ва қуроллантириш бўйича ўринбосари лавозимида ишлаган, 2018 йил ноябрида президент ҳузуридаги Хавфсизлик кенгаши котиби ўринбосари этиб тайинланди. Шу вақтгача эса фавқулодда вазиятлар вазири ўринбосари сифатида ишлаб келаётганди.

Шуҳрат Холмуҳаммедов Ўзбекистон мудофаа вазирининг биринчи ўринбосари — Қуролли Кучлар Бош штаби бошлиғи лавозимида Павел Эргашевни алмаштирди.

Ўзбекистон Қуролли Кучлари Бош штаби бошлиғи ўзгарди

Павел Эргашев

Генерал-майор Павел Исмаилович Эргашев 2017 йил сентябрида мудофаа вазирининг ўринбосари вазифасини бажарувчи - Жануби-Ғарбий махсус ҳарбий округ қўшинлари қўмондони лавозимига тайинланган, 2018 йилдан буён Қуролли Кучлар Бош штаби бошлиғи лавозимида ишлаб келаётганди. Вазирлик матбуот хизмати хабарига кўра, у бошқа лавозимга ўтказилган.

Киритилди: 14:17 24.03.2021. Ўқилди: 4691 марта. Фикрлар сони: 0 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!