Венгрияда 12 ёшли қиз синфдошига пичоқ билан ҳужум қилди
Telex ахборот порталига кўра, 6-синф ўқувчиси уйидан пичоқ олиб келиб, дастлаб столи остига яширган. Зарба тахминан 20 см узунликдаги пичоқ билан орқа томондан - юрак соҳасига урилган.
Оғир яраланган қизни қутқариб қолишди: шошилинч жарроҳлик амалиётидан сўнг унинг аҳволи барқарор, 10 кундан кейин касалхонадан чиқиб кетиши мумкин.
Полиция маълумотларига кўра, ҳужумчи ўз синфдошларининг исмлари рўйхати билан топилган, эҳтимол у ўлдирмоқчи бўлганлар ҳам қизил ранг билан белгиланган. ОАВ маълумотларига кўра, рўйхатга қурбоннинг укаси ва икки амакиваччаси ҳам киритилган.
Полиция қизнинг эҳтимолий сабаблари ҳақида ҳозирча изоҳ бермади. У вояга этмаганлар вақтинчалик сақлаш ҳибсхонасида: полициянинг фикрича, топилган рўйхатга асосланиб, унинг янги жиноятлар содир этишини инкор этиб бўлмайди.
