Ўзбекистон фуқаролари Швецияга ишга жалб этилади

Ташқи меҳнат миграцияси агентлиги ва Швеция Қироллигининг йирик иш берувчи компанияси раҳбарияти ўртасида учрашув ташкил этилди.

Учрашувда дастлаб иш берувчи компания фаолияти, мазкур давлатда ишлаб чиқариш, энергетика ва сервис соҳаларида мавжуд бўш иш ўринлари ҳамда Ўзбекистонда меҳнат миграциясини тартибга солиш бўйича мавжуд тизим, Агентлик фаолияти, миграция географиясини кенгайтириш борасида амалга оширилаётган ишлар юзасидан маълумот алмашилди.

Тадбир якунида эса келгусидаги икки томонлама режаларни ифодаловчи ҳамкорлик келишуви имзоланди.