Сума Чакрабартини Ўзбекистон Республикасининг “Дўстлик” ордени билан мукофотланди
Сума Чакрабартини Ўзбекистон Республикасининг “Дўстлик” ордени билан мукофотлаш тўғрисида Ўзбекистон Республикаси Президентининг Фармони қабул қилинди.
Фармонда таъкидланишича, Сума Чакрабартининг «Ўзбекистон ҳамда Европа тикланиш ва тараққиёт банки ўртасидаги стратегик шерикликни йўлга қўйиш ва кўп қиррали ҳамкорликни кенгайтириш борасидаги улкан хизматлари» алоҳида қайд этилган.
Шунингдек, «республикада амалга оширилаётган ижтимоий-иқтисодий ислоҳотлар дастурларининг самарадорлигини таъминлашга, саноат ва инфратузилма тармоқларини модернизация қилиш бўйича устувор инвестициявий лойиҳаларга қўшаётган шахсий ҳиссаси ва кўмаги, мамлакатда қулай сармоявий ва ишбилармонлик муҳитини шакллантириш жараёнларини фаол қўллаб-қувватлагани учун» Сума Чакрабарти Ўзбекистоннинг «Дўстлик» ордени билан мукофотланди.
Маълумот учун, Сума Чакрабарти EТТБ президенти сифатида 2012 йил июлдан 2020 йил июлгача ишлаган. 2017 йилда банк Ўзбекистонда ўз фаолиятини тиклади ва бугунги кунга қадар ЕТТБ 79 лойиҳада қатнашиб, мамлакат иқтисодиётига 1,7 миллиард евро сармоя киритди.
