«Путин муваффақият қозонмаслиги керак». Берлин Украинага ёрдам бериш муҳимлиги ҳақида гапирди

Германия Мудофаа вазири Борис Писториус АҚШ ва Канадага тўрт кунлик ташрифи аввалида Украинани Россия агрессиясидан ҳимоя қилишда биргаликда қўллаб-қувватлашнинг давом этиши муҳимлигини таъкидлади.

«Путин ўзининг шафқатсиз босқинчилик урушида муваффақият қозонмаслиги керак. Демократиялар ўзини ҳимоя қилишга қодирми ёки йўқми деган савол туғилади. Бу Европа учун энг муҳим стратегик вазифа, Путиннинг уруши жаҳон тартибига энг катта таҳдиддир», — деди у Ню-Ёркда Америка яҳудий қўмитаси вакиллари олдида нутқ сўзлаб.