Шимолий Корея АҚШ, Япония ва Жанубий Кореяни НАТОнинг «Осиё версияси»ни яратишда айблади

Шимолий Корея Ташқи ишлар вазирлигининг KCNA томонидан эълон қилинган баёнотида айтилишича, уч давлат альянсга ўхшаш уч томонлама қўшма ҳарбий машқларни мунтазам равишда ўтказишга келишиб олган. Шунингдек, бу давлатлар ўртасида мудофаа соҳасида ҳамкорликни кучайтириш тўғрисидаги келишув НАТОнинг жамоавий мудофаа тамойилини эслатиши таъкидланади.

Бир кун аввал АҚШ, Япония ва Корея Республикаси уч томонлама ҳамкорликни ривожлантириш ва Ҳиндистон-Тинч океани минтақасида, жумладан Корея ярим оролида барқарорликни ҳимоя қилиш мақсадида «Freedom Edge» қўшма машғулотларини ўтказди.