Россияда 2 ёшли ўзбек заҳарланди, она жазоланди

2 декабрь куни ўзбекистонлик икки ёшли бола эрталаб соат 6 ларда Санкт-Петербургдаги шифохонага етказилди. Россия ОАВ хабарларига кўра, она болани эътиборсиз қолдирган ва у пол ювадиган восита билан заҳарланган.

Шифокорлар болага ўткир яллиғланиш ва қизилўнгачнинг кимёвий куйиши ташхисини қўйишди. Унинг аҳволи оғир.

Текширув пайтида чақалоқнинг оиласи Россияга Ўзбекистондан 6 ноябрь куни келганлиги аниқланди. Санкт-Петербургда рўйхатдан ўтмаган. Боланинг онасига нисбатан ота-она мажбуриятларини бажармаганлик тўғрисида маъмурий баённома тузилди. Аёл жаримага тортилади.