Нима учун давлат компанияларининг ташқи қарзи хусусий сектор қарзи сифатида белгиланган? Бу давлат қарзи эмасми?

Марказий банк мутасаддилари иштирокида АОКАда ўтаётган матбуот анжуманида Банк департамент директори ўринбосари Отабек Тожиддинов жавоб берди:

— Давлат томонидан жалб этилган қарзлар ҳисоби Молия вазирлиги томонидан юритилади ва Марказий банкка тақдим этилади.

Агар давлат корхонаси ташқи қарз жалб қилган ва ушбу қарз бўйича Ҳукумат кафолат берган бўлса, ушбу қарз давлат қарзи эмас, хусусий сектор қарзи дея баҳоланади. Шу боис биз уни тегишли тармоқ ёки секторда кўрсатишимиз лозим. 

Қачонки ушбу корхона тўлов қобилиятини йўқотса, бу қарз реал сектор таркибидан олиб, давлат қарзи ҳисобига олинади.