Начо Саудияда энг кўп маош оладиган футболчилардан бирига айланиши кутилмоқда

Начо Фернандес учун курашга Саудиянинг яна бир клуби қўшилди.

Олдинроқ "Реал" ҳимоячиси "Ал-Иттиҳод"га ўтишга яқин тургани ҳақида хабарлар тарқалган эди. Бироқ, Relevo хабарига кўра, футболчи ҳалигача расмий шартнома таклифини олмаган - Жидда клуби ПИФ давлат инвестиция фондига тегишли ва у янги мавсумда қандай бюджетга эга бўлишини ҳали билмайди.

Юқори дивизионга қайтган “Ал-Қодисия” бу трансферга халақит бериши мумкин. Клуб Саудия Арабистонининг энг йирик нефт компанияси Aramco'га тегишли ва у жамоанинг мамлакатдаги энг яхшиларидан бирига айланишини истайди.