Жим Керри энди Россияга кела олмайди – ТИВ 100 нафар Канада фуқаросига санкция жорий қилди

Бу ҳақда Россия Ташқи ишлар вазирлиги баёнотида айтилган.

Қайд этилишича, санкциялар “бош вазир Жастин Трюдо режими томонидан Россия раҳбарияти, сиёсатчилар ва парламент аъзолари, бизнес вакиллари, экспертлар ва журналистлар, маданият арбоблари ва бошқаларга жорий этилган санкциялар амалиётига жавобан киритилмоқда.

Вазирлик доимий равишда Россиянинг “стоп-листи”га киритилган 100 та исм рўйхатини эълон қилди. Улар орасида актёр Жим Керри, журналист, Степан Бандеранинг набираси Стефан Бандера ва киноактриса Кэтрин Винник бор.