Исроил Ғазо секторидаги Хамас позицияларига зарба берди
Ғазо секторидаги жангарилар Ўрта Ер денгизи йўналишида иккита ракета отган. Улар Тел-Aвив қирғоқлари яқинида денгизга қулади. Бунга жавобан Исроил ҳарбийлари ХAМAС гуруҳи нишонларига зарбалар берди. Бу ҳақда кеча Реутерс агентлиги хабар берди.
"Бугун эрталаб Ғазо секторидан Исроил томон иккита ракета учирилди. Протоколга кўра, ракеталар Исроилнинг марказий қирғоқлари яқинида денгизга тушгани учун сиреналар эшитилмади ва тўхтатиб туриш ҳам кузатилмади", - дейилади хабарда.
Ғазо сектори жангарилари ракета ҳужумлари учун жавобгарликни дарҳол ўз зиммаларига олишмади. Ҳодиса оқибатида жабрланганлар йўқ.
Ўз навбатида, исроиллик ҳарбийлар Ғазодаги ХAМAС объектларига, хусусан, террорчилик фаолияти учун фойдаланиладиган ракета объекти ва ҳарбий постларига зарбалар берганини маълум қилди.
Ушбу ҳужумлар натижасида қурбонлар ёки вайронагарчиликлар ҳақида маълумот йўқ.
