Имтиҳонларга ўрнига ўзига ўхшаш аёлларни киритган депутат ўқишдан ҳайдалди

Бангладешда имтиҳонларга ўзининг ўрнига саккиз нафар “дублёр”ни юборган депутат университетдан ҳайдалди.

ВВСнинг хабар беришича, ҳокимиятдаги “Халқ бирлиги” партияси депутати Таманно Нусрат тўрт семестр давомида 13 та имтиҳонга ўзига ўхшаш аёлларни юборган. Ҳар бир имтиҳон учун алоҳида пул тўлагани айтилмоқда.

Бу сохтакорлик Nagarik телеканали хабаридан сўнг фош этилди. Видеотасвирларда ўзини Таманно Нусрат деб таништирган аёл аслида бошқа киши экани аниқлангач, имтиҳондан чиқиб кетгани тасвирланган.

Университетдан сиртдан ўқиган Таманно Нусрат парламент депутатлигига ўтган йили сайланган эди. Университет мутасаддилари депутатнинг сохтакорликка қўл урганини билишган, бироқ ҳеч қандай чора кўрмасликни маъқул кўришган.