Эронлик миллиардернинг ўлим жазоси 20 йиллик қамоқ жазоси билан алмаштирилди

Эронлик таниқли тадбиркор ва миллиардер Бабек Занжонийга нисбатан чиқарилган ўлим ҳукми 20 йиллик қамоқ жазоси билан алмаштирилди. Бу ҳақда Эрон суд тизими матбуот котиби Асғар Жаҳонгир маълум қилди, деб ёзади «Репорт» «Тасним» агентлигига таяниб.

Эслатиб ўтамиз, 2016 йилнинг 6 март куни Эрон Инқилобий суди нефть сотиш билан боғлиқ коррупцияда айбланиб, аввалроқ ҳибсга олинган Бобак Занжонийни осиш орқали ўлимга ҳукм қилган эди. Маълумотларга кўра, у мамлакатга қарши санкциялар жорий этилганда нефть савдоси билан шуғулланган. Миллиардер Эрон нефтини сотишдан олинган маблағларни «исроф қилиш»да айбдор деб топилди. Б.Занжоний 2012 йилда Эронга қарши санкцияларни бузгани учун АҚШнинг «қора рўйхати»га киритилган эди. У 2013 йилнинг декабрида ҳибсга олинган.

Эслатиб ўтамиз, Эрон президентининг собиқ ўринбосари Ишоқ Жаҳонгирий Б.Занжонийнинг исмини айтмаган ҳолда шундай деган эди: «Нефть даромадининг 2,7 миллиард доллардан кўпроғи ёш йигитга берилишидан ҳайратдамиз. Агар бу маблағлар қайтмаса. бизнинг молиявий тизимимизга бу Эрон учун қора белги бўлади »жамоат бу пулнинг қайтишини интиқлик билан кутмоқда".