Ўзбекистон кубоги. Дарвозабоннинг 90+7 дақиқадаги голи ОКМКни гуруҳда қолдириб юборди

Ўзбекистон кубоги гуруҳ босқич 3-туридан ўрин олган "Машъал" - "Арал Академия" ва ОКМК - "Бухоро" учрашувлари якунланди.

Муборакда кечган баҳсда "Машъал" йирик 8:0 ҳисобида зафар қучди. Олмалиқдаги ўйинда эса томонлар 2:2 ҳисобида дуранг ўйнади. Қўшиб берилган дақиқанинг сўнггисида "Бухоро" дарвозабони Ширинбой Абдуллаев гол уриб, мувозанатни тиклади.

Шу тариқа, 7 очкоси бор "Машъал" ва 5 очко тўплаган "Бухоро" плей-оффга йўл олди. ОКМК ва "Арал Академия" гуруҳда қолиб кетди.