Виждон, инсоф йўқ - Сарвар Каримов қароқчи канал эгалари ва улардан фойдаланувчиларга мурожаат қилди
Сўнгги кунларда кино ижодкорлар яратган фильмларнинг қароқчи каналларда тарқалаётгани турли баҳс ва мунозараларга сабаб бўлмоқда. Ушбу мавзу очилишига Ўзбекистондаги кинотеатрларда намойиш этилаётган «Жаннат оналар оёғи остида» номли кинонинг турли телеграм каналлари орқали кўрилаётгани сабаб бўлди.
Мазкур масала нега кун тартибига чиқди? Нима учун жамоатчилик фаоллари текин сайт ва каналлардан фойдаланмасликка чақирмоқда? «Гапиринг» ижтимоий-сиёсий ток-шоусида мазкур муаммолар кўтарилди ҳамда ток-шоу давомида Сарвар Каримов барчага мурожаат қилди.
«Энг катта муаммоларимиз бири бу қароқчилик. Сиз бирор бир фильм ёки сериал оладиган бўлсангиз 1-2 кундан кейин қарабсизки телеграм каналларда тарқалиб кетган бўлади. Телеграм каналларда тарқалиши жуда ҳам мураккаб жараён. Бунга қарши ҳеч нарса қила олмаймиз.
Фақатгина бир нарсани тушуниш керак у тарқатаётган одамда виждон ва инсоф йўқ. Ман бир нарсани илтимос қилган бўлардим қароқчилик сайтларидан фильмларни томоша қилаётган томошабинлар ҳам шу ўғриликка шерик бўляпти. Яъни бир одам пулини ва вақтини сарфлаб фильм яратса, уни иложи борича кинотеатрга бориб, пул тўлаб кўриш керак. Ёки расмий сайтлар орқали кўриш лозим. Чунки расмий сайтлар орқали кўрилганида ижодкорга бир-икки сўм пул тушади», дейди ижодкор.
