Ҳаракатланувчи ахборот технолоия маркази ўз юришини бошлади
“Ўзбекистон темир йўллари” АЖ “Темирйўлинфратузилма” АЖ, локомотивлардан фойдаланиш бошқармаси ҳузуридаги ҳаракатланувчи ахборот технология маркази 2024-йил 15-апрел куни илк маротаба ўз юрушини бошлади.
Локомотивлардан фойдаланиш бошқармаси бошлиғи ўринбосари З.А. Анваров бошчилигида бўлган ишчи-гуруҳ жорий йилнинг 16-апрел куни “Қўнғирот” локомотив депосига 17-апрел куни “Урганч” локомотив депосига борди.
Барча шарт-шароитларга эга бўлган мазкур марказнинг асосий мақсади, Ўзбекистон Республикаси Президенти Ш.М. Мирзиёевнинг ПФ-6079 - сонли фармони, ПҚ-329 сонли қарорида белгиланган топшириқ ва вазифалар ижросини самарали бажариш, марказлаштирилган ягона ёндашув орқали, ишлаб чиқилаётган лойиҳаларни тенг равишда барча корхоналарга тадбиқ этиш, видеокузатув ва ГПС тизимларини созлаш, назорат қилиш, марказда мавжуд асбоб-ускуна ва мутахассислар ёрдамида корхонанинг интернет, алоқа, локал тармоқларини яхшилаш ва ходимларни ахборот технология борасида билим даражасини янада оширишдан иборатдир.
