Барак ва Мишель Обама Харрис номзодини қўллаб-қувватламоқда
“Рейтерс” хабар беришича, АҚШ собиқ Президенти Барак Обама ва унинг рафиқаси Мишель президент сайловида Камала Харрис номзодини қўллаб-қувватлаяпти.
– Барак ва мен позитивлиги, ҳазил туйғусига бойлиги ва бутун мамлакат бўйлаб одамларга ёруғлик, умид олиб келиш қобилияти учун Демократик номзод сифатида уни ёқлаётганимиздан мамнунмиз, – деб ёзди ижтимоий тармоқ саҳифасида Мишель Обама. – Биз сизни қўллаб-қувватладик, Камала!
– Мишель ва мен ҳафта бошида дўстимиз Камала Харрисга қўнғироқ қилдик, – деди Барак Обама. – Унга Америка Қўшма Штатларининг ажойиб Президенти бўлади, деб ўйлаётганимизни айтдик. Биз уни тўлиқ қўллаб-қувватлаймиз. Мамлакатимиз учун муҳим паллада Харрис ноябрь ойида ғалаба қозониши учун қўлимиздан келганини қиламиз.
Матнда хатолик топсангиз, ўша хатони белгилаб, бизга жўнатинг (Ctrl + Enter).
