Украинада Bayraktar дронларини йиғиш йўлга қўйилади

Украинада Туркиянинг Baykar компаниясига қарашли Bayraktar дрон ишлаб чиқариш заводи қурилишида олдинга силжиш кузатилмоқда, бироқ у уруш тугаганидан кейин фойдаланишга топширилади. Бу ҳақда Украинанинг Туркиядаги элчиси Васил Боднар Euroneewsга берган интервьюсида маълум қилди.

Baykarнинг Украина ҳудудида завод қуриши икки йил аввал маълум бўлган эди. Завод Bayraktar ТB2 ва Bayraktar Акинжи дронларини ишлаб чиқаришни режалаштирмоқда. Завод 2025 йилда ишга тушиши кутилган эди.

Украинанинг стратегик саноат вазири Александр Камишин завод қурилиши бошланганини бир йил аввал эълон қилган эди.