Туркия ва Украина гуманитар коридор қурмоқда
Украина ва Туркия босиб олинган ерлардан одамларни қайтариш учун гуманитар коридор устида ишламоқда. Бу ҳақда Украинанинг Туркиядаги элчиси Васил Боднар интервьюда гапирди.
«Биз шунингдек, Туркия орқали босиб олинган ҳудудлардан тинч аҳоли ва маҳбусларни қайтариш учун гуманитар коридор яратиш устида ишлаяпмиз», деди украиналик дипломат.
Туркия можарони ҳал қилиш ва тинчлик ўрнатиш жараёнида муҳим элемент эканлигини таъкидлади.
Боднарнинг сўзларига кўра, Анқара Россия билан катта дипломатик тажрибага эга, бундан ташқари Туркия кўплаб давлатлар, жумладан, жаҳон жанубидаги давлатлар билан алоҳида алоқаларга эга.
❕ Украина элчиси 2022 йил март ойида Туркия-Украина-Россия форматида бўлиб ўтган ташқи ишлар вазирларининг Анталия учрашувини «турк дипломатиясининг муваффақияти» деб таърифлади. Шунингдек, у 2022 йилги маҳбуслар алмашинуви, дон келишуви ва Истанбул музокараларини Туркиянинг халқаро саъй-ҳаракатларидаги муҳим ютуқлар сифатида қайд этди.
