АҚШ Россияни Ельцин давридаги ёпиқ Россияга айлантирмоқчи – ОАВ

Қўшма Штатлар Россия президент Борис Ельцин давридагидек яна ёпиқ давлатга айланишини орзу қилади. Бу ҳақда Туркиянинг Aнадолу агентлиги журналисти Илёс Кемалоглу ёзмоқда.

Унинг фикрига кўра, Жо Байденнинг AҚШда ҳокимият тепасига келиши Россия билан муносабатларда кескинликнинг янги босқичини олдиндан белгилаб берди. Сабабларидан бири – Aмериканинг собиқ раҳбари Дональд Трамп ҳукмронлиги даврида Яқин Шарқдан Кавказгача бўлган катта ҳудудда Москва таъсирининг кучайиши.

Муаллиф, шунингдек, Вашингтон Россия ва Туркия ўртасида яқин ҳамкорликнинг ривожланишини истамаслигини, уни Москвага қарши изоляция ва санкциялар орқали заифлаштиришга уринаётганини таъкидлади.

Мунтазам равишда янги чеклов чораларига қарамай, Вашингтон ўз манфаатлари асосида Москва билан ҳамкорлик қилишга тайёрлигини таъкидламоқда. Журналист бунга мисол сифатида AҚШнинг Европа Иттифоқига босимини "Шимолий оқим 2" лойиҳасини амалга оширишнинг олдини олиш ва бир вақтнинг ўзида Россиядан 2020 йилда нефт сотиб олиш ҳажмининг кўпайишини келтирди.

Кемалоглу, сўнгги пайтларда Болгария ва Чехиядан россиялик дипломатларнинг чиқариб юборилиши Россияни "жазоламоқчи" бўлган AҚШ ҳаракатларининг натижаси деб ҳисоблайди.

Шундай қилиб, муаллиф Вашингтон Россияни "Борис Ельцин даврлари мамлакати"га айлантирмоқчи, яъни унинг жаҳон миқёсидаги фаоллигини пасайтирмоқчи деган хулосага келади. Бироқ, эксперт Москванинг ҳарбий, космик ва энергетика соҳаларида, шунингдек, ядро энергетикаси ва тиббиёт соҳасидаги қудратини таъкидлаб, буни эҳтимолдан йироқ деб ҳисоблайди.