Tesla 250-ўринда?! Энг сифатли автомобиллар рейтинги

J.D.Power таҳлил компанияси янги машиналарнинг сифати бўйича автомобиль компаниялари рейтингини тузди. Заводдан нуқсони билан чиққани учун танқидларга тез-тез учраб турадиган Tesla рўйхатнинг сўнгги поғонасидан ўрин олган бўлса, биринчилик Dodge’га насиб этган, деб хабар беради Motor.

Рейтинг 100 та автомобилга келиб тушган шикоятлар асосида тузилган. Рўйхатдан илк бор ўрин олган Tesla компанияси J.D.Power мутахассислари фикрича, энг сифатсиз машиналарни ишлаб чиқаради: 100 та йиғилган машинага 250 та шикоят келиб тушган. Умуман олганда, ушбу маълумотлар норасмий бўлиб, АҚШнинг 15 та штатида Tesla мижозлар орасида сўровнома ўтказишга рухсат бермаган.

Шунга қарамай, экспертлар 35 та штатдаги қарийб 1,3 минг электромобил эгаси орасида сўровнома ўтказишга муваффақ бўлган ва компанияда янги машиналарни ишлаб чиқаришда муаммо бор деган хулосага келган: Tesla’нинг кўплаб эгалари кузов панеллари орасидаги тирқишлардан, ранги ва салондаги ғичирлаш овозларидан норози. Шу сабабли Tesla рейтингдаги энг сўнгги — 250-ўринни эгаллаган.

Энг кам шикоятни Dodge, Kia ва Chevrolet автомобиллари эгаллари билдирган.