Tramp: "Agar Hillari prezident bo‘lganida, Putinga oson bo‘lardi"

AQSh prezidenti Donald Tramp Fox News telekanaliga intervyu berdi. Unda prezident Rossiyaga nisbatan qattiq siyosat olib borayotganini aytgan.

AQSh lideri o‘ziga berilgan sizni Putinning qo‘g‘irchog‘i deyishadi, bunga nima deysiz? savoliga hech qaysi prezident u kabi Rossiyaga qattiqqo‘l munosabatda bo‘lmagani haqida aytgan.

Agar Hillari Klinton prezident bo‘lganda u Putin bilan yaqinroq bo‘lardi, bu Putinga oson bo‘lardi , degan Tramp.

G‘arb hamjamiyati 2016 yilgi saylovlarda Rossiya aralashuvini ta’kidlab, natijalarga ta’sir ko‘rsatishda Putinni ayblab keladi.