Suriyadagi qochqinlar lagerlaridan 20 nafar bola Rossiyaga qaytarildi

Bu haqda Bolalar ombudsman Mariya Lvova-Belova ma’lum qildi. Yetti o‘g‘il va o‘n uch qiz Rossiya Aerokosmik kuchlari bortida 6 iyuldan 7 iyulga o‘tar kechasi Chkalovskiy aerodromiga yetib keldi.

"Ularning orasida aka-uka va opa-singillar ham bor. Bolalar o‘zlarining yaqinlari - bobosi, buvisi va qarindoshlari bilan uchrashishni kutmoqda", dedi Lvova-Belova jurnalistlarga.

Samolyotdayoq bolalar maxsus shifokorlar tomonidan tekshirildi. Bir bolaning oyog‘idagi raketa bo‘laklaridan qolgan jarohat aniqlandi. Qolgan bolalarning salomatligi yaxshi, dedi Bolalar ombudsmani rahbari.