Prezident «Singapur iqtisodiy mo‘jizasi»ga qiziqib qoldi

Turkmaniston prezidenti Gurbanguli Berdimuhammedov rasmiy tashrif bilan Singapur davlatiga tashrif buyurgan. Bu haqda «Xronika Turkmenistana» nashri yozmoqda.

Berdimuhammedov u yerda Singapurning yirik biznesmenlari bilan ham uchrashgan.

«Biz Singapurni qisqa vaqt ichida jahonning yetakchi davlatlaridan biriga aylantirgan iqtisodiy mo‘jizasi haqida ko‘p eshitganmiz», – deya ta’kidlab o‘tgan Turkmaniston rahbari uchrashuvda. Va shuningdek, o‘z mamlakatidagi islohotlar haqida ham gapirib o‘tgan.

Turkmaniston Singapur bilan energetika, kimyo, qishloq xo‘jaligi, transport, turizm va boshqa sohalarda aloqalarni kuchaytirish niyatida.