Polsha Qrimda «adolatli referendum» o‘tkazishni taklif qilmoqda
Polsha tashqi ishlar vaziri Radoslav Sikorski Qrim muammosini hal qilish variantlaridan birini – BMT shafeligida «adolatli referendum» o‘tkazishni taklif qildi. Kiyevdagi Yalta Yevropa strategiyasi forumida so‘zlagan Sikorskiy referendumdan oldin yarimorol BMT missiyasi boshqaruviga o‘tkazilishi kerakligini ta’kidladi. Uning fikricha, bu qadam 2014 yilda Qrimning Rossiya tomonidan anneksiya qilinishi natijasida yuzaga kelgan mojaroni hal qilishga yordam berishi mumkin.
«Qrim Rossiya va ayniqsa Putin uchun ramziy ahamiyatga ega, lekin Ukraina uchun strategik ahamiyatga ega. Shuning uchun ular Qrimni qurolsizlantirmasdan qanday kelishuvga kelishlarini tushunmayapman», dedi Sikorskiy. Shuningdek, u BMT tayyorgarligini hisobga olish uchun ovoz berishni 20 yilga kechiktirishni taklif qildi.
Sikorskiyning nutqiga javoban Ukraina prezidenti devoni rahbari Andrey Ermak o‘zining Telegram-kanalida «Qrim – Ukraina», deb tasdiqladi.
❗️ Shu bilan birga, Polshaning Onet nashri Sikorskiy va Vladimir Zelenskiy o‘rtasidagi qiyin muzokaralar haqida xabar berdi. Manbalarga ko‘ra, Zelenskiy Polsha tomonining noroziligiga sabab bo‘lgan Volin fojiasi masalasini muhokama qilishdan bosh tortgan.
